Əhli-Beyt
(əleyhimus səlam) Xəbər Agentliyi – ABNA-nın verdiyi məlumata əsasən, İran
İslam Respublikası Xarici İşlər Nazirliyinin sözçüsü Nasir, Kənani Fars Körfəzi
Əməkdaşlıq Şurası ölkələri ilə Rusiyanın üç İran adası ilə bağlı birgə qəbul
etdikləri bəyanatın məzmununu rədd edərək deyib:
“Bu adalar əbədi olaraq İrana məxsusdur və bu cür bəyanatların verilməsi İran və onun qonşuları arasında dostluq münasibətlərinə ziddir.”
İran İslam Respublikası Xarici İşlər Nazirliyinin sözçüsü əlavə edib:
“İran İslam Respublikası mehriban qonşuluq və qarşılıqlı hörmət siyasətinin davam etdirilməsini vurğulayaraq, regionun inkişafı və sabitliyini region ölkələrinin kollektiv məsuliyyəti hesab edir.”
Qeyd edək ki, dünən, bazar ertəsi Moskvada Omanın xarici işlər naziri və Əməkdaşlıq Şurasının baş katibinin iştirakı ilə Rusiya ilə Fars Körfəzi Əməkdaşlıq Şurası ölkələri arasında strateji dialoq görüşü keçirilib.
Bu görüşdən sonra Fars Körfəzi Əməkdaşlıq Şurası və Rusiya birgə bəyanat yayıb. Bu bəyanatın bir hissəsində İranın üç adası ilə bağlı təkrar qondarma iddialar bir daha gündəmə gətirilib.