“Armenpress”in ER hökumətinin yaydığı məlumatda bildirilir ki, baş nazir qeyd edib ki, Ermənistan-Rusiya münasibətlərinin gündəliyi doludur və tərəflər 2020 il 9-10 noyabr tarixli üçtərəfli bəyanatın 9-cu bəndinin icrası üzərində işləyirlər.
“Bildiyiniz kimi, biz bu mümkün infrastrukturların ərazilərindən keçdiyi tərəflərin suverenliyi və yurisdiksiyasına əsaslanaraq, regionda bütün nəqliyyat və iqtisadi əlaqələrin açılmasında və blokdan çıxarılmasında maraqlıyıq. Əminəm ki, biz bu gün bəzi aspektləri müzakirə edəcəyik, bu münasibətlə sizinlə görüşməkdən məmnunam”, - deyə baş naziri Nikol Paşinyan bildirib.
Tərəflər Cənubi Qafqazda nəqliyyat və iqtisadi kanalların bloklanması istiqamətində Ermənistan, Rusiya və Azərbaycan baş nazirlərinin müavinlərindən ibarət işçi qrupu çərçivəsində aparılan danışıqların nəticələrini vurğulayıblar.
Bu kontekstdə Nikol Paşinyan və Aleksey Overçuk dəmir yolu əlaqəsinin bərpası, tərəflərin suverenliyi və yurisdiksiyasına əsaslanan sərhəd və gömrük nəzarətinin həyata keçirilməsi ilə bağlı məsələləri müzakirə ediblər.
Qeyd edək Azərbaycanın baş nazirinin müavini Şahin Mustafayev Report.az-a açıqlamasında bildirmişdi ki, Naxçıvana vətəndaşların, nəqliyyat vasitələrinin və yüklərin maneəsiz keçirilməsinin təşkilinə nəzarəti Rusiya Federal Təhlükəsizlik Xidmətinin Sərhəd Xidməti həyata keçirəcək.
342/