Erməni agentlikləri xəbər verir ki, bu barədə “Laist” portalı məlumat yayıb. Sənəddə qərarın “Los-Ancelesdən minlərlə kilometr uzaqlıqda ermənilər üçün döyüşən bölgənin şərəfinə” verildiyi vurğulanıb.
Şəhər şurasının erməni sədri Pol Krekoryanın sözlərinə görə, Azərbaycanın Los-Ancelesdəki konsulluğu burada yerləşdiyi üçün məhz bu kəsişmə seçilib.
Sabiq maliyyə naziri, Fikrət Yusifov “Yeni Müsavat”a bildirib ki, bundan öncə də ABŞ-da bəzi küçələrə “artsax” adının verilməsi halları olub:
“Şəxsən özüm bunun şahidi olmuşam. Keçən il ABŞ-da səfərdə olarkən Kaliforniya ştatındakı orta şəhərlərin birində küçələrdən birinə ”arsax" adı verildiyini şəxsən gördüm”,- Fikrət Yusifov deyib .
F.Yusifov hesab edir ki, beynəlxalq hüququn belə məsələlərlə bağlı tələbləri araşdırılmalı və bununla bağlı Azərbaycan hökuməti Amerika Birləşmiş Ştatları hökumətinə aidiyyəti etiraz ünvanlamalıdır.
342/