Иҹласда суријалыларын тәһлүкәсиз шәкилдә өз өлкәләринә ҝери дөнмәләри барәдә дә сөһбәт етдик. Иҹласда гәбул едилән гәрарлара әсасән, бир комитә јарадылаҹаг вә гыса бир заманда комитә иҹлас кечирәҹәк- дејә, Чавушоғлу әлавә едиб.
Түркијә хариҹи ишләр назири һәмчинин билдириб ки, мүзакирәләр тахылын Гара дәниз јолу илә өтүрүлмәси разылашмасынын ики ај мүддәтинә узадылмасы истигамәтиндә давам едәҹәк.
Түркијә хариҹи ишләр назири дөрдтәрәфли Москва иҹласындан сонра өз твиттер сәһифәсиндә јазыб ки: Москва иҹласында терроризмлә мүбаризә саһәсиндәки һәмкарлыг, суријалыларын өз өлкәләринә ҝери дөнмәләринә шәраитин јарадылмасы, Суријадакы сијаси ҝедишатын ирәлиләдилмәси вә бу өлкәнин әрази бүтөвлүјүнүн горунмасы зәрурәтинә тәкид етдик.
Ҹари һәфтәнин әввәлләриндә Чавушоғлу демишди ки, Түркијә президенти Рәҹәб Тајјып Әрдоған вә онун суријалы һәмкары Бәшшар Әсәд Москва иҹласындан сонра ҹари илин сонларында бир-бирилә ҝөрүшә биләрләр.
Дөрдтәрәфли Москва иҹласы Түркијә-Сурија әлагәләринин бәрпасы вә Суријадакы сијаси бөһрана сон гојулмасы истигамәтиндә Дәмәшг, Теһран, Москва вә Анкара рәсмиләри арасындакы ҝөрүшләрин давамында һәјата кечирилиб.
ЧАВУШОҒЛУ СУРИЈАДА САБИТЛИЈИН БӘРГӘРАРЫ ВАҸИБЛИЈИНИ ВУРҒУЛАЈЫБ
342/