АБШ Дөвләт Департаменти сөзчүсүнүн мүавини Ведант Пател јерли вахтла ҹүмә ахшамы ҝүнү Иранын Ҹеневрәдә јерләшән бејнәлхалг тәшкилатлар јанындакы даими нүмајәндәси вә сәфиринин 2023-ҹү илдә Инсан Һүгуглары Шурасынын Сосиал Ассамблејасына дөври сәдри сечилмәсинә реаксија вериб. Вашингтонун әсәбилијини ифадә едән Пател иддиа едибдир ки, Иранын БМТ-нин Инсан Һүгуглары Шурасынын Сосиал Ассамблејасынын нөвбәти сәдри сечилмәси сон дәрәҹә нараһатлыг доғурур.
Бу америкалы рәсминин иддиасына ҝөрә, Иран нүмајәндәсинин белә бир група сәдр сечилмәси онун тәсирли олмасыны мәһдудлашдыраҹаг.
АБШ Дөвләт Департаменти сөзчүсүнүн мүавини әлавә едиб: Бирләшмиш Штатлар кечмишдә бу групун иҹласларында иштирак етмәјиб вә ҹари илдәки иҹласда да иштирак етмәк нијјәтиндә дејилдир.
Ҹо Бајденин демократ һөкумәти дипломатија јанашмасы шүарына рәғмән, Доналд Трамп һөкумәтинин максимум тәзјиг сијасәтини јүрүтмәкдәдир вә сон Иран олајларындан сонра да инсан һүгуглары бәһанәсилә өз гәрбли мүттәфигләри илә јанашы, Ирана гаршы санксијалар тәтбиг едибдир.
Бајден һөкумәти Иран Ислам Республикасынын мүхалифләри илә ејни истигамәтдә вә иранлы гадынларын һүгугларыны мүдафиә ады алтында БМТ вә бејнәлхалг механизмләрдән суи-истифадә етмәклә 2022-ҹи ил декабрын он дөрдүндә Нју-Јоркда Бирләшмиш Милләтләр Тәшкилатынын Игтисади вә Сосиал Шурасында Иранын БМТ-нин Гадынын Статусу Комиссијасындакы үзвлүјүнә сон гојулмасына даир гәтнамә лајиһәсини ирәли сүрдү вә 29 леһинә, сәккиз әлејһинә вә он алты тәрәфсиз сәслә гәбул едилди. Бајден администрасијасы бунунла, тәһлүкәли ҝедишат вә пис гајданын әсасыны гојмуш олду.
Инсан Һүгуглары Шурасынын сәдри мајын он бириндә Иран Ислам Республикасынын Ҹеневрәдә јерләшән бејнәлхалг тәшкилатлар јанындакы даими нүмајәндәси вә сәфири Әли Бәһрејнинин 2023-ҹү илдә Инсан Һүгуглары Шурасынын Сосиал Ассамблејасына он доггузунҹу иҹласына сәдр сечилдијини билдирди.
342/
шәрһиниз