Јенс Столтенбергә ҝөрә, 2014-ҹү илдән етибарән НАТО Сојуг Мүһарибәдән бәри коллектив мүдафиәнин ән ҝениш шәкилдә мөһкәмләндирилмәсини һәјата кечириб.
Столтенберг гејд едиб ки, алјанс мүдафиә хәрҹләрини артырыб вә Шәрги Авропада бөлмәләр јерләшдириб.
НАТО-нун баш катиби билдириб ки, Шимали Атлантика Алјансы тарихдә илк дәфә олараг Полша вә Балтикјаны өлкәләрдә дөјүш бөлмәләри јерләшдириб.
Онун сөзләринә ҝөрә, "НАТО-нун шәрг ҹинаһында", тәхминән 40 мин һәрбчи вә дәниз вә һава гүввәләринин бөлмәләри јерләшир.
Столтенберг, һәмчинин әлавә едиб ки, алјансын мүдафиә бүдҹәсинин малијјәләшдирилмәсинин 80 фаизи АИ үзвү олмајан өлкәләрин пајына дүшүр. Хүсусилә, сөһбәт АБШ, Канада вә Инҝилтәрәдән ҝедир. Кијевә 78 фаиз һәрби дәстәји мәһз бу өлкәләр верирләр.
Бундан әввәл Русија Федерасијасы Тәһлүкәсизлик Шурасынын катиби Николај Патрушев Шимали Атлантика Алјансынын Шәрги Авропада әлавә һәрби континҝентләр јерләшдирдијини вә Русија сәрһәдләри јахынлығында һәрби инфраструктуру модернләшдирдијини билдириб.
О вурғулајыб ки, Русија Федерасијасынын сәрһәдләри јахынлығында НАТО бөлмәләринин тәлими интенсивләшдирилиб.
Өз нөвбәсиндә, Русија Хариҹи Ишләр Назирлијинин рәсми нүмајәндәси Марија Захарова хатырладыб ки, Русија өз тәһлүкәсизлијинә ҝөрә Украјнанын алјанса гошулмасына иҹазә вермәјәҹәк.
Хатырладаг ки, Русија февралын 24-дә Украјнада хүсуси һәрби әмәлијјата башладығыны билдирди.
Русија Украјнаја гаршы һүҹумун әсас мәгсәдләриндән биринин "Украјнанын демилитаризасијасы вә денасификасијасы"нын һәјата кечирилмәси олдуғуну билдириб.
342/