Nazirliyin bəyanatında bildirilir ki, 23 aprel 2023-cü il tarixində Azərbaycan hakimiyyəti 9 noyabr 2020-ci il tarixli üçtərəfli bəyanatın 6-cı müddəasını kobud şəkildə pozaraq, Rusiya sülhməramlı kontingentinin cavabdeh olduğu ərazidə nəzarət-buraxılış məntəqəsinin qurulması üçün tədbirlər görərək artıq Laçın dəhlizini rəsmən bağlamışdır.
Bəyanatda bu addımın Dağlıq Qarabağda etnik təmizləmə və ermənilərin Qarabağdan tamamilə çıxarılması məqsədini güddüyü qeyd olunur və deyilir: “2022-ci il dekabrın 12-dən başlayaraq Laçın dəhlizinin qondarma ekoloji bəhanələrlə davamlı olaraq qanunsuz blokadaya alınması, bu gün saxta və əsassız bəhanələrlə nəzarət-buraxılış məntəqəsinin qurulması bu planlaşdırılmış siyasətin ardıcıl həyata keçirilməsinin davamıdır.”
O da vurğulanır ki, bu aksiya beynəlxalq ictimaiyyətin birmənalı bəyanatlarına və xüsusilə Beynəlxalq Ədalət Məhkəməsinin 22 fevral 2023-cü il tarixli hüquqi qüvvəyə malik qərarına qarşı həyata keçirilir.
Bəyanatın sonunda Rusiya Federasiyası Laçın dəhlizinin blokadasını aradan qaldırmaq və Azərbaycan qüvvələrinin dəhlizin bütün təhlükəsizlik zonasından çıxarılmasını təmin etməyə çağırılıb.
342/