Əhli-Beyt
(əleyhimus səlam) – Xəbər Agentliyi ABNA-nın verdiyi məlumata əsasən, Azərbaycanın
təhsil naziri Emin Əmrullayev "Kənd Təsərrüfatı və Təhsil" mövzusunda
keçirilən Azərbaycan-İsrail İnnovasiya Forumunda deyib: “Azərbaycanın təhsil
sistemində innovasiyaların tətbiqi bizim təməl qaydaları unutmalı olduğumuz
anlamına gəlmir. Bəli, biz təhsil sistemimizdə innovasiyaları tətbiq etməyə
çalışırıq. Azərbaycan gənc və inkişaf etməkdə olan ölkədir və biz ümid edirik
ki, İsrailin təcrübəsi bizə ölkənin təhsil sistemini yaxşılaşdırmaqda kömək edəcək".
Trendin məlumatına görə o, həmçinin, bu gün Azərbaycanda STEM metodikası ilə fəaliyyət göstərən 30 mərkəzin olduğunu qeyd edib.
Nazirin sözlərinə görə, bu mərkəzlərin fəaliyyəti çərçivəsində robotexnika və dronların layihələndirilməsi kimi texnologiyalar Azərbaycanda təhsil proqramının əsasını təşkil edəcək.
Qeyd edək ki, STEM təhsildə yeni yanaşmadır. Burada təbii-elmi və texniki biliklər üzrə bütün sahələr birləşir, təlim alanlar isə bu bilikləri dərslikdən deyil, yaradıcı tapşırıqları həll etməklə əldə edir.
Diqqət: Xəbərdən İstifadə Etdikdə Mənbəyə İstinad Lazımdır!