Şənbə günü axşam İsfahanda İranın Müdafiə Nazirliyinin sex kompleksinə hücum zamanı müdafiə bölmələri tərəfindən vurulan kiçik miqyaslı PUA-lardan birinin qalıqlarının texniki ekspertizası təhlükəsizlik qurumlarına dəyərli məlumatlar verib.
“Nournews”un məlumatına görə, bu kiçik miqyaslı PUA-ların gövdə komponentləri, mühərrikləri, enerji təchizatı və naviqasiya sistemi təhlil edilərək, mövcud nümunələrlə uyğunlaşdırılaraq, onun istehsalçısı dəqiq müəyyən edilib və mühüm ipucları üzə çıxıb.
2018-ci ildə bu sex kompleksi bir neçə kiçik miqyaslı PUA-nın hücumuna məruz qaldı, bu da son hücum kimi tamamilə uğursuz oldu.
Məlumata əsasən, İranda müvafiq şöbələrin texniki bacarığı, həmçinin oxşar təxribat aktlarının baş verə biləcəyi mərkəzlərdə qabaqcıl elektron sistemlərin yerləşdirilməsi nəticəsində bu cür hücumların uğur qazanma ehtimalı minimuma endirilib.
Qeyd edək ki, şənbə günü axşam İsfahanda İranın Müdafiə Nazirliyinə tabe olan müdafiə sənayesi komplekslərindən biri kiçik dronlarla uğursuz hücuma məruz qalıb, onlardan biri kompleksin hava hücumundan müdafiəsi tərəfindən vurulub, digər ikisi isə müdafiə tələsinə düşərək, məhv edilib.
342/