Memfis şəhərində 5 polis məmurunun 29 yaşlı FedEx işçisi Tire Nikolsun qətlində ittiham olunduqdan sonra bu beş məmurun qaradərili kişini döydüyünü əks etdirən video yayımlanıb.
Videoda 5 polisin bu gənci vəhşicəsinə döyüldüyü, eyni zamanda hücum boyu ona söyüşlər yağdırdığı göstərilir.
Videonun yayılmasından sonra ABŞ-ın müxtəlif şəhərləri böyük nümayişlərə hazırlaşır. Nikolsun yaxınları tərəfdarları dinc şəkildə etiraz etməyə çağırıblar.
Nikolsun ailəsinin vəkili Antonio Romanucci deyib: "Ona bir və ya iki nəfər deyil, beş zabit hücum edib".
Romanucci qeyd edib ki, bu zabitlər Nikolsun qətlinə səbəb olan ağır hücumda, insan azadlığının və fundamental hüquqlarının pozulmasında bir-biri ilə son dərəcə əməkdaşlıq ediblər.
342/