nazirliyin bəyanatında deyilir: “Təəssüflə bildiririk ki, Rusiya Federasiyasının Müdafiə Nazirliyinin rəsmi internet səhifəsində dərc olunan Rusiya Federasiyasının sülhməramlı kontingentinin rəsmi məlumatlarında yaşayış məntəqələrimizin adları hələ də uydurma erməni toponimləri ilə qeyd olunur. Bundan başqa, hər dəfə Qarabağ iqtisadi rayonunun "Dağlıq-Qarabağ ərazisi" kimi qeyd edilməsi də arzuolunmaz haldır”.
Müdafiə Nazirliyi sonra Azərbaycan Respublikası ərazisində yerləşdirilmiş Rusiya sülhməramlı kontingentinin komandanlığını müvafiq məlumatlarında bu ölkənin ərazisindəki yaşayış məntəqələrinin adlarını düzgün toponimlərlə ifadə etməyə çağırıb, bildirib ki, Rusiya tərəfinin 26 noyabr 2022-ci il tarixli rəsmi məlumatında “Mardakert” və "Martuni" adlandırdıqları Azərbaycan yaşayış məntəqələrinin rəsmi adları uyğun olaraq Ağdərə və Xocavənddir.
Azərbaycanda dövlət rəsmiləri və siyasətçilər Rusiyanın Qarabağla bağlı planlarından narahatdırlar, Rusiya isə adətən onların etirazlarına məhəl qoymur. Üstəlik erməni əsilli milyarderin Rusiya tərəfindən Xankəndini göndərilməsi, orada dövlət naziri vəzifəsinə təyin edilməsi Əliyevi təşvişə salıb.
342/