İranın Səudiyyə Ərəbistanına hücumu iddiası ilə bağlı medianın iddiaları fonunda Moskvanın Ər-Riyad və Tehranla əlaqə saxlayıb-saxmadığına dair sualın cavabında Boqdanov deyib: "Əlbəttə, biz həm səudiyyəli dostlarımız, həm də iranlı dostlarımızla əlaqə saxlayırıq".
"Və təbii ki, biz bütün anlaşılmazlıqların və ziddiyyətlərin danışıqlar masası arxasında konstruktiv dialoq çərçivəsində həllinin tərəfdarıyıq. Dostlarımız tərəfindən tələb olunarsa, Ər-Riyad və Tehran arasında müəyyən vasitəçilik rolunu oynamağa həmişə hazır olmuşuq və həqiqətən də səy göstəririk", - deyə o, əlavə edib.
Amerika mediası Wall Street Journal bu yaxınlarda iddia etdi ki, Səudiyyə Ərəbistanı Birləşmiş Ştatlarla İranın krallıqdakı hədəflərə qaçılmaz hücumu barədə xəbərdarlıq edən kəşfiyyat məlumatlarını paylaşıb.
WSJ iddia edilən hesabatı OPEC+-ın neft hasilatını azaltmaq qərarına görə son həftələrdə Ər-Riyad və Vaşinqton arasında münasibətlərin zəiflədiyi və İran və Səudiyyə Ərəbistanının diplomatik əlaqələrin kəsilməsindən sonra təhlükəsizlik səviyyəsində danışıqlar apardığı bir vaxtda dərc edib. Ötən il Tehran-Ər-Riyad danışıqlarının dörd raundu, beşinci raundu isə bir neçə ay əvvəl İraqın paytaxtı Bağdadda keçirilib.
İran Xarici İşlər Nazirliyinin sözçüsü Amerika qəzetinin İranın Səudiyyə Ərəbistanındakı hədəflərə hücumlar planlaşdırması ilə bağlı xəbərini qərəzli və psixoloji müharibənin tərkib hissəsi adlandırıb.
"Bu tip qərəzli xəbərlər bəzi Qərb və sionist dairələr tərəfindən İran İslam Respublikasına qarşı mənfi atmosfer yaratmaq və region ölkələri ilə münasibətlərin yüksələn xətlə inkişaf edən mövcud tendensiyalarını məhv etmək məqsədi ilə edilir", - Nasir Kənani bildirib.
342/