Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Сионист режим
мүгавимәт дөјүшчүләринин әмәлијјатында бу режимин бир забитинин өлдүрүлмәсиндән
сонра фәләстинли гүввәләрдән горхдуғуна ҝөрә, өз ордусуну/ һәбсләри ҝенишләндирмәјә
вә Иордан чајынын гәрб саһилиндәки Фәләстин шәһәрләринә дахил олмаға һазырлајыр.
Әл-Әгса шәһидләри баталјонлары чәршәнбә ҝүнү сәһәр саатларында бир мәлуматда билдириб ки, гәрб саһилиндә јерләшән Ҹенин шәһәринин шималындакы Әл-Ҹәлмә јохлама-бурахылыш мәнтәгәсинин јахынлығында сионист режим һәрбчиләринин бир автомобилинә атәш ачыблар. Бу әмәлијјат нәтиҹәсиндә сионист режимин бир забити өлдүрүлүб.
Сионист режим ордусу етираф едибдир ки, сентјабр 14-дә Әл-Ҹәлмә бөлҝәсиндә бу режим һәрбчиләринин Фәләстин мүгавимәт груплары илә тоггушмасында бир сионист забит өлдүрүлүб.
Бу һадисәнин ардынҹа сионист режимин 13-ҹү телевизија каналы да хәбәр верибдир ки, Исраил режиминин ордусу гәрб саһилинин шимал бөлҝәләриндә јерләшмәјә давам едир вә бу ордунун јәһудиләрин бајрамлары арасында гәрб саһилинин мүхтәлиф шәһәрләриндә өзүнүн тәхминән 20 мин һәрбчисини јерләшдирмәси прогноз едилир.
Бу сионист медианын мәлуматына ҝөрә, бу һазыр вәзијјәт һәмин режимин гаршыдакы сечкиләринә гәдәр давам едәҹәк.
Сионистләр өз експансианист мәгсәдләринә чатмаг үчүн һәр ҝүн Фәләстинин мүхтәлиф бөлҝәләринә һүҹум едирләр. Онлар бош иддиаларла фәләстинлиләри һәбс едир, јаралајыр вә ја шәһид едирләр. Мүгавимәт гүввәләри әмәлијјатлар кечирмәклә гәсбкар сионист режимин ҹинајәтләринә ҹаваб верирләр.
Диггәт: Хәбәрдән Истифадә Етдикдә Мәнбәјә Истинад Лазымдыр!