Əhli-Beyt (əleyhimus səlam) – Xəbər Agentliyi ABNA-nın verdiyi məlumata əsasən, Yəmən mediasındakı mənbələr ərəb koalisiya qüvvələrinin Yəmənin Sokotra adasından çıxarılması və Səudiyyə Ərəbistanına geri qayıtması barədə məlumat yayıb.
Sokotra adası Hind okeanının şimal-qərbində, Ədən körfəzinin şərq girişində, Qırmızı dənizin mühüm ticarət yolunun üzərində və Bab əl-Məndeb boğazına bitişik olmaqla, bölgədəki ticarət dəyərini və hərbi əhəmiyyətini ikiqat artırır.
Bu günlərdə İsrail mediası adada BƏƏ ilə birgə hərbi baza yaradılması barədə məlumat yayıb və qeyd edib ki, bu bazanın məqsədi Makran dənizi, Bab əl-Məndeb boğazı və Afrika Buynuzu ərazisində gəmilərə nəzarət etməkdir.
Yəmən KİV-lərinin məlumatına görə, 2018-ci ildən Sokotrada yerləşdirilən 808-ci ərəb koalisiya briqadası bu gün adanı praktiki olaraq tərk edib.
“Əl-Xəbər əl-Yəmani” portalının məlumatına görə, Səudiyyə ordusunun növbəti briqadasının tərk etmək üçün vaxtı hələ müəyyən edilməyib, lakin bu qüvvələrin bu yaxınlarda Səudiyyə Ərəbistanı ərazisinə qayıdacağı gözlənilir. Ədəndə yerləşən ərəb koalisiyasının qüvvələri artıq Səudiyyə Ərəbistanına qayıtmışdır...
Yəmən media mənbələri noyabrın 12-də bildiriblər ki, Səudiyyə Ərəbistanının təcavüzkar koalisiyasının başçılıq etdiyi bölmələr də Yəmənin qərbində Əl-Hudeydə ətrafında bir çox əraziləri qəfil tərk ediblər.
Diqqət: Xəbərdən İstifadə Etdikdə Mənbəyə İstinad Lazımdır!