Pakistan Şiələrin kompakt məskunlaşdığı Paraçinar bölgəsinin mühasirəsi davam edir/Ramazan ayında Şiələrin boş süfrələri

Əhli-Beyt (əleyhimus səlam) – Beynəlxalq Xəbər Agentliyi- ABNA: Media mənbələri Pakistan və Əfqanıstan sərhədinə yaxın Paraçinar Şiə bölgəsinin təkfirçi terrorçular tərəfindən mühasirəyə alınmasının davam etdiyini bildirir.

Məlumata görə, Paraçinar Şiə bölgəsinin mühasirəsinin davam etməsi bu bölgənin Şiə əhalisinin Ramazan ayında ət və tərəvəz kimi əsas ehtiyaclarının olmaması və Paraçinar əhalisi arasında qida çatışmazlığının yayılması ilə nəticələnib.

Ərazinin mühasirəyə alınması ilə əlaqədar Paraçinar bölgəsində yaranan ərzaq qıtlığı Paraçinar sakinlərinin müqəddəs Ramazan ayında iftar və sahur süfrələrində çox sadə qidalarla və yalnız paxlalı bitkilərlə məhdudlaşmasına səbəb olub.

Qeyd edək ki, Pakistan dövlətinin susqunluqla müşahidəsi altında təkfirçi terrorçular tərəfindən Paraçinar bölgəsinin mühasirəsinin davam etdirilməsi və bu terrorçuların Paraçinar bölgəsinə gedən yardım karvanlarına hücumları bu bölgə sakinlərinin parakəndə etirazlarına səbəb olub.

Diqqət: Lütfən Xəbərdən İstifadə Etdikdə Mənbəyə İstinad Edin!