Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən,Kürd mediası İrandan könüllülərin İraqa daxil olduğunu yazıb
Rus dilli kürd portallarından biri yazıb ki, İranın İnqilab Keşikçiləri Korpusunun "Qüds" briqadasının döyüşçüləri İraq ərazisinə daxil olublar.
Verilən məlumata görə, onlar artıq Diyalədədirlər.
Həsən Həmədaniyə istinadən edən kürd mənbələr bildirirlər ki, o İŞİD üçün cəhənnəm hazırlandığını deyib: ""İraq Şam İslam Dövləti" adlı terrorçulara İraqda cəhənnəm hazırlamışıq. 70 min cavan döyüşçülərimiz İraqdadırlar".
"Bas" xəbər portalı isə İranın İnqilab Keşikçiləri Korpusunun xüsusi briqadalarından birinin Xaneqin şəhərində Neftxane sərhəd bölgəsinə daxil olduqlarını yayıb. Portala görə, iranlı əsgərlər İraqın daxili şəhərlərinə göndəriləcəklər.
Qeyd edək ki, İran prezidenti Həsən Ruhani İraqa terrorla mübarizədə yardım edəcəyini bildirmişdi. Lakin İran rəsmiləri bir neçə gün öncə dünya mediasında yayılmış 150 İran xüsusi təyinatlısının İraqa daxil olma xəbərini təkzib etmişdi.
islamazeri.az
Diqqət: Xəbərdən istifadə etdikdə mənbəyə istinad lazımdır
