Əhli-Beyt (əleyhimus səlam) – Beynəlxalq Xəbər Agentliyi- ABNA: Məhəmməd Əli əl-Husi son döyüşün nəticələrinə toxunaraq bu hadisələri Yəmənin öz ərazisi üzərində suverenliyini həyata keçirməsi prosesinin bir hissəsi kimi qiymətləndirib.
O bildirib ki, Yəmən ərazisinin bir hissəsinin azad edilməsi ölkədə elan olunmuş inqilabın azadlıq və müstəqilliyə nail olmaq məqsədi çərçivəsində baş verir.
Əl-Husi həmçinin bölgədə gəmilərin hərəkəti ilə bağlı xəbərdarlıq edib və bildirib ki, gəmilərin keçidi davam edəcək. Yalnız Yəmən Müdafiə Nazirliyinin keçidi qadağan etdiyi gəmilərə icazə verilməyəcək.
Məhəmməd Əli əl-Husi çıxışında Ənsarullah lideri Əbdülməlik əl-Husiyə, Yəmən Silahlı və Təhlükəsizlik Qüvvələrinə və ölkə xalqına müraciət edərək “Vəllahu əşəddü bə’sən və əşəddü tənkilan” döyüşündə əldə edilən “keyfiyyətli nailiyyət və böyük qələbə”ni təbrik edib.
O, bu nailiyyəti Yəmən xalqının və qüvvələrinin təcavüz və işğala qarşı müqavimətinin nəticəsi adlandırıb.
Əl-Husi Yəmən xalqının öz torpaqları üzərində suverenlik hüququnu vurğulayaraq bildirib ki, bu döyüşün nəticələri xalqa məxsus olan hüququn həyata keçirilməsi, suverenliyin genişləndirilməsi, ölkə ərazisinin bir hissəsinin geri qaytarılması və azad edilməsi istiqamətində atılmış addımdır.
Əl-Husi bu hadisələri Yəmən inqilabının əsas məqsədi olan “azadlıq və müstəqillik” yolunun bir hissəsi adlandırıb. Onun sözlərinə görə, bu məqsəd təcavüz və Yəmənin işğalının başlanğıcından etibarən ölkə rəhbərlərinin çıxışlarında vurğulanıb.
Ali Siyasi Şuranın üzvü bölgədə gəmiçilik məsələsinə toxunaraq bildirib ki, gəmilərin hərəkəti davam edəcək və yalnız Yəmən Müdafiə Nazirliyinin keçidini qadağan etdiyi gəmilərin hərəkətinə icazə verilməyəcək.
Bu açıqlamalar bölgənin sularında təhlükəsizliklə bağlı hadisələrin Yaxın Şərqin dəniz və təhlükəsizlik məsələlərində mühüm mövzulardan biri olaraq qaldığı bir vaxtda səsləndirilib.
Əl-Husi daha sonra bölgədəki vəziyyətlə bağlı xəbərdarlıq edərək vurğulayıb ki, “region barıt çəlləyinin üzərindədir” və qarşıdurmanın alovunu daha da böyütmək istəyən hər bir tərəf bunun nəticələrinə görə məsuliyyət daşımalıdır.
O, bu mövqeyi ilə bölgədəki vəziyyətin həssaslığına və müxtəlif tərəflərin hərbi addımlarının mümkün nəticələrinə diqqət çəkib.
Sizin rəyiniz