Əhli-Beyt (əleyhimus səlam) – Beynəlxalq Xəbər Agentliyi- ABNA: İraq Bədr Təşkilatının baş katibi Hadi Amiri Həşdu Şəbi - Xalq Səfərbərliyi qüvvələrinin bir sıra komandirləri ilə görüş keçirib. Görüşdə son dövrlə bağlı vəziyyət və mövcud mərhələnin tələbləri müzakirə olunub.
İraq Bədr Təşkilatının baş katibinin media ofisinin yaydığı bəyanata görə, Amiri avqustun 8-də Bağdaddakı ofisində Xalq Səfərbərliyi qüvvələrinin bir sıra komandirlərini qəbul edib.
Görüş zamanı bölgədəki son vəziyyət və mövcud şəraitin doğurduğu ehtiyaclar nəzərdən keçirilib, Xalq Səfərbərliyi və İraq təhlükəsizlik qüvvələrinin imkan və potensialının artırılması yolları müzakirə olunub.
İştirakçılar müxtəlif çağırışlar qarşısında yüksək səviyyədə döyüş hazırlığının qorunmasının vacibliyini vurğulayıb və aidiyyəti qüvvələrin əməliyyat imkanlarının gücləndirilməsinin zəruriliyini qeyd ediblər.
Həmçinin aidiyyəti qurumlar arasında koordinasiya və əməkdaşlığın gücləndirilməsinin, eləcə də sahədə fəaliyyətin mütəmadi qiymətləndirilməsinin vacibliyi vurğulanıb. Bunun qüvvələrin səmərəliliyinin və hazırlıq səviyyəsinin artırılmasına, mümkün hadisə və çağırışlara qarşı hazırlığın təmin edilməsinə xidmət edəcəyi bildirilib.
Sizin rəyiniz