?>

“Saleh Rüstəmlinin vəziyyəti kritikdir”

“Saleh Rüstəmlinin vəziyyəti kritikdir”

23 gündür aclıq edən siyasi məhbus Saleh Rüstəmlinin güclü başgicəllənməsi var və görmə qabiliyyətini qismən itirib. Bu barədə bu gün Turan agentliyinə onun vəkili Bəhruz Bayramov bildirib.

ABNA24 Xəbər Verir, Vəkilin sözlərinə görə, Rüstəmlini müayinə edən həkimlər durumun kritik həddə çatması barədə xəbərdarlıq edirlər və sabah məcburi qidalanma ilə bağlı qərar qəbul etməlidirlər. Amma Rüstəmli bunun qəti əleyhinədir. Aclıq zamanı 17 kiloqram çəki itirib, 69 kiloqramdan 52 kiloqrama düşüb, vəkil qeyd edib.

Bayramov təəssüflə qeyd edib ki, işə yenidən baxılması barədə Ali Məhkəmənin Plenumuna müraciətinə hələlik heç bir cavab yoxdur.

Həmçinin səhhətilə əlaqədar Rüstəmlinin cəza müddətinin qalan hissəsindən azad edilməsilı bağlı Nizami Rayon Məhkəməsinə verilən müraciətə də nə vaxt baxılacağı məlum deyil.

Azərbaycan Xalq Cəbhəsi Partiyasının tərəfdarı, Birinci Qarabağ Müharibəsinin veteranı Saleh Rüstəmov 2018-ci ilin mayında həbs edilib və  “Azərbaycan Xalq Cəbhəsi Partiyasının qanunsuz maliyyələşdirilməsi" adlanan iş üzrə 7 il 3 ay müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar. Saleh Rüstəmov Noyabrın 6-dan azadlıq tələbilə müddətsiz aclıq edir.

342/


Nəzərlərinizi göndərin

Sizin e-mail adresiniz göstərilməyəcək. Tələb olunanlar bu “*” əlamətlə işarələnib

*