Azərbaycanlıların əzab əziyyəti....Biləsuvar gömrüyündə.

Biləsuvar sərhəd-keçid məntəqəsində biabırçı vəziyyət

  • News Code : 817732
  • Source : azadlıq.info
“Keçid məntəqələrində tıxac yaradan özləridir; Bu qədər adama 2 nəfər xidmət edir”

 Əhlibeyt (ə) Xəbər Agentliyi-“Bu gün (martın 13-də) dan ağarandan Biləsuvardan İrana keçməyə yenə tıxac vardı. Dərindən müşahidə edəndə, belə nəticəyə gəlirsən ki, bu tıxacları yaradan elə gömrükçülərdir. Özü də məqsəd insanları incitməkdir. Yoxsa heç nədən bu qədər insanı məntəqəyə toplayıb sonra da tısbağa yerişiylə sənədlərini yoxlamağın, yersiz sorğu-suala tutmağın başqa nə adı var ki…”.

“Cəmi iki nəfər xidmət göstərirdi”

Biləsuvar sərhəd keçid məntəqəsi. 13mart2017

Biləsuvar sərhəd keçid məntəqəsi. 13 mart 2017

Bakı sakini Məzahir Rüstəmov martın 13-də səhər saatlarında Biləsuvar sərhəd-keçid məntəqəsində yaranan problemdən danışır: “Tez-tez İrana dərman almağa gedirəm. Hər dəfə də eyni əzab-əziyyəti çəkirəm. Sizə fotolar göndərirəm. Bax o fotoları mən səhər saat 10-da çəkmişəm. Ancaq adamlar səhər saat 7-nin yarısından ora toplaşmışdılar. Saat 9-da məntəqə açıldı, insan axını məntəqəyə yaxınlaşmağa başladı. Saat 10 idi, növbə gözləyən yüzlərlə insana cəmi iki nəfər xidmət göstərirdi – pasportlarını yoxlayırdı. Özü də sənədləri elə tısbağa sürətiylə yoxlayırlar ki, adamların ürəyi üzülür. İşçi qıtlığıdır ki? Qəsdən bu vəziyyəti yaradırlar. Biri ağzını açıb söz deyəndə də elə kobudlayırlar ki, adamın yeddi qatından keçir”.

“İran sərhədində növbə  yoxdur”

Məzahir Rüstəmov deyir, səhər saat 7-dən günortayacan növbədə dayananlar saat 1-2 radələrində sərhədi keçəndə, sanki üzərlərindən bir yük götürülür: “İran sərhədində isə növbə  yoxdur. İnsanlar çox rahat sənədlərini təqdim edib keçib gedirlər”.

Biləsuvar sərhəd keçid məntəqəsi. 13mart2017

Biləsuvar sərhəd keçid məntəqəsi. 13 mart 2017

2 il əvvəl Azərbaycan və İran hökuməti arasında Biləsuvar və Astara sərhəd keçid məntəqələrinin 24 saat fəaliyyət göstərməsinə dair razılıq imzalanıb. Ancaq razılaşma yalnız yükdaşımalara aiddir. Vaxtaşırı İrana gedən Məzahir Rüstəmovun arzusu budur ki, eyni rahatlıq piyadalara da şamil olunsun.


Əlaqədar Mövzular

Nəzərlərinizi göndərin

Sizin e-mail adresiniz göstərilməyəcək. Tələb olunanlar bu “*” əlamətlə işarələnib

*

پیام امام خامنه ای به مسلمانان جهان به مناسبت حج 2016
We are All Zakzaky