Azərbaycan və Anti-İslam Yürüşlərinin Davamı

Şeyx Sərdar: `Ateizm qanunu ilə İslam dini mühakimə olunur` - Reportaj + Foto

Quranda ibadət hesab edilən məsələ Azərbaycan qanunlarına görə cinayətdir

  • News Code : 831919
  • Source : Maidə
Brief

Mənim ittiham olunduğum maddə üzrə deyə bilərəm ki, Quranda ibadət hesab edilən məsələ Azərbaycan qanunlarına görə cinayətdir. Quranın hökmü cinayət işi hesab edilir. Bununla sanki bəndə ilə Allahı üz-üzə qoymağa çalışırlar. İndi siz məndən soruşursunuz ki, cinayəti törətmişən ya yox?

Əhli Beyt (əleyhimus-səlam) - ABNA – Xəbər Agentliyinin verdiyi xəbərə əsasən, Azərbaycan Ruhanilər Məclisinin (ARM) üzvü, Maide.Az saytının baş redaktoru, namaz məhbusu Şeyx Sərdar Hacıhəsənlinin bu gün Masallıda məhkəməsi keçirilib.

Məhkəmə keçirilən binanın önünə Azərbaycanın tanınmış ruhaniləri, ictimai şəxsləri və ölkəmizdə akkreditə olmuş diplomatik korpusların nümayəndələri toplaşıb. Ötən məhkəmədən fərqli olaraq bu dəfə polis insanlara qarşı hər hansı basqı etməyib. Lakim məhkəmə zalının tutumunun kiçik olması əsas gətirilərək insanlar məhkəməyə buraxılmayıb.

Ruhaninin qandallanmış əli

Məhkəmə başlayan zaman ilk olaraq Şeyx Sərdar Hacıhəsənlinin hüquqlarını müdafiə edən vəkillər onun zalda əlləri qandallı olmasına etirazlarını bildirib. Qanunvericiliyə görə məhkum əli qandallı məhkəmə zalına gətirilə bilər, lakin zalda onun əlləri açılmalıdır. Bu etirazdan sonra hakim qandalların açılması barədə göstəriş verib.

Təmin olunmayan vəsatətlər

Vəkillər ötən məhkəmə zamanı baxılmamış qalan vəsatətləri yenidən qaldırıb. Belə ki, Şeyx Sərdarın vəkillərin yanında əyləşməsi və məhkəmə prosesinin video və audio qeydə alınmasının təmin edilməsi yenidən tələb edilib. Lakin hakim məhkəmənin açıq keçirildiyini bildirərək vəsatətləri təmin etməyib.

Rafil Hüseynov məhkəməyə gəlsin

Vəkillər yeni vəsatətlə çıxış edərək Şeyx Sərdarın həbs edilməsi barədə şikayət edən Masallı rayon İcra Hakimiyyətinin başçısı Rafil Hüseynovun məhkəməyə gələrək şahid qismində çıxış etməsini tələb edib. Lakin dövlət ittihamçısı bu vəsatətə də etiraz edib.

Həbs qəti imkan tədbiri dəyişdirilsin

Növbəti vəsatət Şeyx Sərdarın həbs qəti-imkan tədbirinin dəyişdirilərək ev dustaqlığı ilə əvəz olunması oldu. Lakin dövlət ittihamçısı etiraz edərək bu vəsatətin təmin olunacağı təqdirdə Şeyx Sərdarın şahidlərə təzyiq edə biləcəyi, həmçinin məhkəmədən yayınacağını əsas gətirdi. Müdafiə tərəfi isə deyilənlərin əsassız olduğunu bildirdi. Eyni zamanda qeyd etdi ki, artıq bütün şahidlər ifadə verib və onların ifadələrini dəyişməsi mümkünsüzdür. Həmçinin, bu yaxınlarda ölkə başçısının sərəncamı ilə az ağır cinayət törətmiş şəxsləri həbs qəti-imkan tədbiri ilə deyil alternativ vasitəlilərlə saxlanılması təsdiq edilib.

Konstitusiyaya zidd olan ittiham

Daha sonra vəkillər növbəti vəsatətlə çıxış edib. Vəkil Osman Kazımov bildirib ki, Şeyx Sərdarın ittiham olunduğu maddə Konstitusiya ilə ziddiyyət təşkil edir. Belə ki, Konstitusiyanın 48-ci maddəsinə görə hər bir kəs qanunvericilik çərçivəsində sərbəst toplaşmaq və dini ayinləri fərdi, yaxud birlikdə icra etmək hüququna malikdir. Əgər iddia edilirsə ki, Şeyx Sərdar qanunu pozub və elə maddə də deyildiyi kimi insanların hüquqlarını pozaraq onlara namaz qıldırıb bu daha absurd görünür. Çünki bu dəqiqə bayırda yüzlərlə insan var ki, elə Şeyxin arxasında namaz qılanlardır. Aydındır ki, şeyx kiminsə iradəsinə zidd bu işi görməyib. Həmçinin “Cümə” namazının qılınması vaxtı hər hansı neqativ hal baş verməyib. O zaman bu maddənin özü keyfiyyətsizdir.

Həmçinin bu qanun Avropa Konvensiyasının 9-cu maddəsinə də ziddir və fərdin hüquqlarını pozur.

“Bu qanun Nardaran hadisələrindən 8 gün sonra qəbul edilib. Sual olunur ki, 1400 ildir İslam dini var və ayinləri icra edilir. Necə oldu ki, birdən-birə bütün bunlar qanun pozuntusu oldu? Deməli burada siyasi sifariş var”.

Vəkil tələb edib ki, bununla bağlı Konstitusiya məhkəməsinə sorğu göndərilsin və məsələ araşdırılsın.

Dövlət ittihamçısı əvvəlki vəsatətlər kimi buna da etirazını bildirdi. Lakin fikrini əsaslandıra bilmədi. Hakim isə qaldırılan heç bir vəsatəti təmin etmədi.

Daha sonra məhkəmədə dövlət ittihamçısı tərəfindən ittiham aktı oxundu.

İnsanın arxasında divar nə qədər böyük olsa qaranlıqda kölgəsi o qədər böyük olur

Şeyx Sərdar Hacıhəsənli məhkəmədə çıxış etdi. Əvvəlcə prosesdə iştirak edənlərə təşəkkürünü bildirdi. Ruhani üzünü hakimə tutaraq İslam dininin hakimlər barəsində xüsusi hökmlərinin olduğunu diqqətə çatdırdı: “İnsanın arxasında divar nə qədər böyük olsa, qaranlıqda kölgəsi o qədər böyük olur. İslamda hakimlər barədə deyilir ki, hətta onun ayaqqabılarını çıxarması narahatlığına səbəb olarsa, məhkəməni aparmamalıdır. Hakimlər başqa insanlardan asılı olmamalı, müstəqil qərarlar verməlidir. İslam hakimlərə xüsusi məqam sahibləri kimi qiymət verir və daim onları ədalətli olmağa səsləyir. Cənab hakim siz ən adi vəsatətləri təmin etmirsiniz. Görünür bu işdə sizə basqılar var. Ümid edirəm ki, qanunun aliliyini qoruyacaqsınız. Əgər siz mənə bu barədə təminat verirsinizsə, o zaman bizim məhkəməyə ümidimiz yaranır və ədalət gözləyə bilərik. Yox əgər bunu bacarmayacaqsınızsa, o zaman heç bu məhkəməyə gəlməyə dəyməz. Çünki bundan əvvəl keçirilən heç bir məhkəmədə ədalətin şahidi olmadıq.

Quranda ibadət hesab edilən məsələ Azərbaycan qanunlarına görə cinayətdir

Mənim ittiham olunduğum maddə üzrə deyə bilərəm ki, Quranda ibadət hesab edilən məsələ Azərbaycan qanunlarına görə cinayətdir. Quranın hökmü cinayət işi hesab edilir. Bununla sanki bəndə ilə Allahı üz-üzə qoymağa çalışırlar. İndi siz məndən soruşursunuz ki, cinayəti törətmişən ya yox? Əgər desəm ki, hə, o zaman belə çıxır ki, Allaha deyirəm ki, bağışla səhv etmişəm. Sənin buyurduğuna əməl etmişəm və namaz qılmışam.

Ateizm qanunu ilə islam dini mühakimə olunur

Bu məsələnin özü absurddur. Çünki ateizm qanunu ilə İslam dini mühakimə olunur. Deyirsiniz ki, “Cümə” namazı qıldığım üçün məni həbs ediblər. Azərbaycanda cümə günləri 50-dən çox məsciddə “Cümə namazı” qılınır və mahiyyət etibarı ilə aralarında heç bir fərq yoxdur. Yəni mənim qıldığım “Cümə namazı” ilə digər bir ruhaninin qıldırdığı namaz eynidir. O zaman niyə məhz mənə cinayət işi açılır? Onda gərək bütün “Cümə namazı” qılanlar mühakimə olunsun. Həmçinin mən bölgəyə QMİ-nin rəsmi nümayəndəsinin dəvəti ilə gəlmişəm. Odur ki, əməlimdə heç bir qanun pozuntusu olduğunu düşünməmişəm. Həmçinin qanun qəbul edildikdən sonra da bu barədə mənə şifahi və yaxud yazılı hər hansı irad bildirilməyib. Odur ki, qəbul edilən qanunu da özümə aid etməmişəm. Digər tərəfdən də mənim xaricdə təhsil almağım Sovet dövründə olub. Ondan əvvəl də elə öz ruhanilərimizdən dərs oxumuşam”.

3 addım geridə dayansaydın o zaman ittiham olunmayacaqdın

Bu zaman dövlət ittihamçısı Şeyx Sərdarın çıxışına müdaxilə edərək bildirib ki, qanunu dövlət qəbul edib və hər kəs buna tabe olmalıdır. Əgər Sərdar Hacıhəsənli namaz qılanda 3 addım geridə dayansaydı o zaman ittiham olunmayacaqdı. Dövlət ittihamçısının bu sözləri zalda gülüşə səbəb olub. Özü də bilmədən qanunu 3 addımlıq adlandırıb.

Daha sonra dövlət ittihamçısı Şeyx Sərdara təhsil aldığı müəssisə barədə sual verib və “Cümə namazının” mahiyyəti barədə soruşub. Sərdar Hacıhəsənli qeyd edib ki, təhsil aldığı Universitet Beynəlxalq səviyyədə tanınıb. Həmçinin cümə günü İslamda xüsusi olaraq qeyd edilib. Quranda 114 surədən biri də “Cümə” surəsidir və onun sonuncu ayəsində insanlara “Cümə namazı” qılmaq Allah tərəfindən əmr olunur.

Bu zaman Azan verilib.  Şeyx Sərdar  Azana hörmət əlaməti olaraq çıxışını dayandırdırdığını bildirib.  Daha sonra məhkəmədə fasilə elan edilib.
 
Fasilədən sonra saat davam edən iclasda şahidlər ifadə verib. Sonda hakim növbəti prosesin iyun ayının 7-si  saat 14:00-də təyin olunduğunu açıqlayıb.

Diqqət: Xəbərdən istifadə etdikdə mənbəyə istinad lazımdır


Əlaqədar Mövzular

Nəzərlərinizi göndərin

Sizin e-mail adresiniz göstərilməyəcək. Tələb olunanlar bu “*” əlamətlə işarələnib

*

Mourining of Imam Hossein
İmam Xamenei cənablarının Həcc mərasimi münasibətilə İslam Dünyasına müraciəti
پیام امام خامنه ای به مسلمانان جهان به مناسبت حج 2016
We are All Zakzaky